V. Gilbert Beers - Aventurat e Arinjve të Arilendit

Autori : V. Gilbert Beers Titulli : Aventurat e Arinjve të Arilendit Shtëpia Botuese : Toena Kategoria : Përralla ISBN: 978-99943-1-368-6 Formati :16.5x23 Faqe: 498 Çmimi : 1900 lekë (15 euro)

Ky është një libër në ndihmë të prindërve për të ndikuar në formimin e vetive pozitive të karakterit te fëmijët e tyre si të miqësia dhe zemërgjerësia, falja, mirësjellja, bindja, pranimi, përulja, ndihma, ndershmëria, përshtatja, vlerësimi, durimi dhe mirëkuptimi.

Personazhet formues të Arinjve të Arilendit i ndihmojnë fëmijët të njohin vetitë e mira dhe të këqija në punë si dhe të vlerësojnë rëndësinë e tyre. Duke ndjekur aventurat e tyre ju do të mësoni të mirën dhe si të shmangni të keqen.

Rreth autorit

Dr. V. Gilbert Beers ka shkruar më shumë se 150 libra nga të cilët 100 janë për fëmijë. Shumë prej tyre janë nga librat më të shitur. Ndërsa mbi 40 nga librat e tij janë botuar në 23 gjuhë. Ai është i përfshirë në enciklopedinë amerikane  Who’s Who.

Parathënie e librit

Libri që keni në dorë është një libër i mrekullueshëm, me tregime dhe ilustrime shumë të bukura, por edhe më shumë se kaq. Ky libër ka për qëllim t’ju ndihmojë në formimin e karakterit të fëmijës suaj. Prindi i ndërgjegjshëm kujdeset për formimin e karakterit të fëmijës së vet në mënyrë që ai të bëjë një jetë të suksesshme dhe me dinjitet. Suksesi fillon me formimin e plotë të personalitetit, me karakter të tillë që ngërthen në vete të gjitha vlerat pozitive, të cilat të gjithë ne i kërkojmë te një njeri i përsosur. Njerëzit, të cilët kanë karakter të këtillë janë të destinuar të korrin suksese në jetë dhe të jenë drejtues të aftë. Ne bëjmë çmos që të rrisim nivelin e inteligjencës së fëmijëve tanë, ngase besojmë që inteligjenca do t’u ndihmojë atyre të korrin suksese. Por ne duhet të punojmë me zell dhe të bëjmë përpjekje të pareshtura, sepse, për të pasur sukses në jetë, nuk mjafton vetëm inteligjenca, por edhe përgatitja e fëmijës sonë për t’u përballur me të gjitha sfidat e jetës.
Fëmijët me karakter të fortë kanë vlera të larta njerëzore. Ata janë bujarë, mirëdashës, janë të gatshëm të falin e të kërkojnë falje, janë të mirë, të dëgjueshëm, veten e tyre dhe të tjerët i pranojnë ashtu siç janë, janë të ndërgjegjshëm, u ndihmojnë të tjerëve, janë të sinqertë, ambiciozë, guximtarë, mirënjohës, të lumtur, kanë sjellje të mirë e të kulturuar, janë të durueshëm dhe kanë mirëkuptim. Për ta janë të huaja veset, siç janë lakmia, mashtrimi, gënjeshtra, vjedhja, paragjykimi, krenaria me tepri, ankesat apo edhe shqetësimi i tepërt. Me anë të veprimeve të personazheve të tregimeve të Arinjve të Arilendit u ndihmohet fëmijëve të bëjnë dallimin ndërmjet cilësive të mira dhe të këqija, si dhe të mund të çmojnë cilësitë e mira dhe t’i përbuzin ndikimet negative të cilësive të këqija.
Personazhet kryesorë në këto tregime janë arinjtë e Arilendit. Secili tregim tregon se si një apo më shumë nga arinjtë shfaqin ndonjë karakter pozitiv apo negativ të personalitetit. Prandaj, fëmijët tuaj do të mësojnë për këto gjëra përmes Arinjve të Arilendit.
Tregimet janë të vendosura në një vend të imagjinuar të quajtur Pylli i Arilendit. Ky vend gjendet diku përtej asgjëkundit, apo ndoshta edhe vërtet gjendet diku. Ai nuk është vend i vërtetë, ndaj mos u përpiqni ta përshkruani Pyllin e Arilendit si pjesë të kulturës nacionale apo të kulturës së përgjithshme të vendit ku jetoni. Arinjtë e Arilendit flasin si njerëz, i bëjnë gjërat që bëjnë njerëzit, por shumica e tyre as që kanë dalë jashtë Pyllit të Arilendit dhe as që kanë vizituar vendet ku jetojnë njerëzit. Askush asnjëherë nuk ka qenë në Pyllin e Arilendit, përpos në këto tregime, dhe askush asnjëherë nuk ka takuar ndonjë ari të Arilendit, përpos në këto tregime.
Secili nga arinjtë e Arilendit ka nga një tipar karakteristik. Bo është ariu më i madh i Arilendit. Atij i pëlqen të hungërojë dhe herë-herë të pushojë sytë. Bo nuk i bën gjithmonë gjërat në mënyrën që do t’i bëje ti, ndaj sjellja e tij shpesh është shumë qesharake për shokët e tij. Flo i do lulet. Kopshti i saj i luleve i shkakton kënaqësinë më të madhe në jetë. Pesi është pesimist dhe i ngrysur në fytyrë. Ai gjithmonë përdor shprehje si “Nuk mund ta bësh”, “Nuk do të funksionojë”, “Nuk mund të arrish atje prej këtu” apo “Kurrë nuk do t’ia dalësh mbanë kësaj pune”. Pani është i orientuar nga shkenca. Ai gjithashtu udhëton shumë në tokat ku jetojnë njerëzit. Shpesh u sjell shokëve të tij gjëra interesante nga këto udhëtime. Dhe këto gjëra interesante krijojnë tregime të reja. Honi është i ëmbël. Bo mendon se ai është aq i ëmbël, sa të gërdit. Por kur Honi ulet në Trungun e tij të të menduarit, atëherë prit dhe do të shohësh si lindin ide të reja. TiTi është e kujdesshme, një arushë me këmbët në tokë e cila shpesh u ndihmon shokëve të saj të mendojnë në mënyrë racionale. Gjashtë arinjtë e Arilendit e duan shumë pyllin e tyre dhe nuk do të bënin kurrë diçka për ta dëmtuar atë. Secili prej tyre e ka shtëpizën në dru, shtëpiza vërtet të lezetshme. Atyre u pëlqejnë shumë piknikët dhe i organizojnë ato sa herë që u jepet rasti. Ah, të mos harrojmë, secili ari ka nga një emër simpatik.
Në Pyllin e Arilendit jetojnë edhe ca krijesa të tjera. Bletët jetojnë në Drurin e Mjaltit, në njërën anë të të cilit ato kanë hapur një vrimë të madhe. Meqë arinjtë e Arilendit e duan shumë mjaltin, kjo gjë bën që ata të përfshihen në gara të ndryshme strategjike me bletët. Dhelpërushja është tinëzake, kurse Gjo është gjel shumë krenar. Ata vijnë shpesh për vizitë tek arinjtë. Huti është i urtë dhe i ndihmon të tjerët, sidomos nëse ndokush e humb rrugën në pyll. Pastaj, këtu i gjejmë edhe ketrat KiKi dhe KoKo, si dhe disa vizitues të tjerë, të cilët vijnë herë pas here, siç është Lepuri Lepurush.
Pra, mirë se vini në Pyllin e Arilendit, ku jetojnë dhe hidhen në aventura miqtë tanë, arinjtë e Arilendit. Gjatë kohës që do të ndiqni aventurat e tyre, ju do të kuptoni për mësimet që i nxjerrin ata nga çdo ngjarje dhe përmes mësimeve të tyre do të mësoni ta dalloni të mirën nga e keqja. Përmes këtyre tregimeve, Ju dhe fëmija juaj do të bëheni persona dhe drejtues më të mirë, njerëz me karakter të fortë.

Autori

Libri I   Autori : V. Gilbert Beers Titulli : Aventurat e Arinjve të Arilendit Shtëpia Botuese : Toena Kategoria : Përralla ISBN: 978-99943-1-375-4 Formati :16.5x23 Faqe: 100 Çmimi : 500 lekë (4 euro)

Libri I
1. Përbindëshi i kuq
2. Druri i mjaltit
3. Tullumbace për shitje
4. Qypi më i madh me mjaltë
5. Kush ma vodhi kapelën?
6. Dhuratat e Panit
7. Kush mund ta mashtrojë bletën?
8. Do të hakmerrem
9. Kapela në erë
10. Dita e vështirë e Honit
11. Pikniku me ëmbëlsirë me mjaltë

Libri II   Autori : V. Gilbert Beers Titulli : Aventurat e Arinjve të Arilendit Shtëpia Botuese : Toena Kategoria : Përralla ISBN: 978-99943-1-376-1 Formati :16.5x23 Faqe: 100 Çmimi : 500 lekë (4 euro)

Libri II
1. Dëshiroj të kem një qyp me mjaltë
2. Nuk ka më gjumë
3. Ai ariu tjetër
4. Lepuri Lepurush
5. Vagoni i kuq më i çuditshmi që keni parë ndonjëherë
6. Gjeli Gjelosh
7. Zënka e Diellit dhe Erës
8. Ketrushi shkatarraq
9. Ta lëvizim atë trung
10. Ariu plak
11. Pamja ime e re

Libri III   Autori : V. Gilbert Beers Titulli : Aventurat e Arinjve të Arilendit Shtëpia Botuese : Toena Kategoria : Përralla ISBN: 978-99943-1-377-8 Formati :16.5x23 Faqe: 100 Çmimi : 500 lekë (4 euro)

Libri III
1. Karuseli
2. S’ka më bletë
3. T’ia heqim mërzinë  Pesit
4. Shëtitje nëpër pyll
5. Lulet e Flosë
6. Të mendosh për ngatërresa apo të bësh ngatërresa                

7. Grafiku i hungërimës 8. Lepurushi dhe Bo
9. Shi, shi, pusho!
10. Para njerëzore
11. Si ta bëj Pesin të lumtur?

Libri IV   Autori : V. Gilbert Beers Titulli : Aventurat e Arinjve të Arilendit Shtëpia Botuese : Toena Kategoria : Përralla ISBN: 978-99943-1-378-5 Formati :16.5x23 Faqe: 100 Çmimi : 500 lekë (4 euro)

Libri IV
1. E fshehta
2. Duke pritur lindjen e diellit
3. Unë e bëj më mirë
4. Të shohësh atë që shikon
5. Mos harro të thuash “faleminderit”
6. Ç’do të bëje ti? 
7. Dita e mbrapshtë e Bosë
8. Jam i pasur apo i varfër unë?
9. Çamçakëzi i Bosë
10. Kujtimi për ty
11. Ta kthejmë ditën e mbrapshtë në ditë të mbarë

Libri V   Autori : V. Gilbert Beers Titulli : Aventurat e Arinjve të Arilendit Shtëpia Botuese : Toena Kategoria : Përralla ISBN: 978-99943-1-379-2 Formati :16.5x23 Faqe: 100 Çmimi : 500 lekë (4 euro)

Libri V
1. Mbretëresha e milingonave
2. Zinxhiri i telasheve
3. Kitara e Panit
4. Ku është shporta ime me manaferra?
5. Pse lulet nuk lulëzojnë gjithmonë?
6. Të humbur në pyll
7. E hëna gazmore
8. Unë nuk mundem
9. Aventura e Panit
10. Libri i kafshëve
11. Stuhia