Antologjia e emigrantëve - Itaka e fjalës

Itaka e fjalës Antologji e emigrantëve Përgatiti: Nase Jani Shtëpia Botuese: Toena ISBN: 978-99943-1-299-3 Faqe: 568 Çmimi: 1200 lekë (10.00 euro)

     P R O G R A M I

TË SHTUNËN, 19.04.2008, Ora19.00, (Vendi: Godina: “INERAMERIKAN”, autostrada “A. Singru”, 124).

1. Promovimi i Antologjisë Poetike “Itaka e fjalës”.

Antologjia përfshin njëqind e dyzetë autorë, që jetojnë, punojnë e krijojnë në Greqi dhe në gjithë shtetet e Europës, në Shtetet e bashkuara të Amerikës, Kanada e deri në Australi. Është përgatitur nga Nase Jani,
redaktor: Robert Goro, botim i Shtëpisë Botuese “TOENA”, me 564 faqe. Çmimi: 1200 lekë (10 €).

2.        Ndarja e Çmimeve të Konkursit Letrar: “KADMUS”-2007
Me krijimet e botuara, gjatë vitit, te Revista Letrare “Pelegrin” Kjo veprimtari organizohet qysh prej vitit 2005, kur Revista “Pelegrin”
ishte në vitin e dytë të botimit. Në këtë veprimtari do të prezantohen edhe Nr. 10 dhe 11 të Revistës, të porsa dalë nga shtypi.

3.        Dhënia e Çmimit Vjetor “Ali Asllani”
“Liriku më i mirë i vitit”2007 Është viti i dytë që Klubi i Shrimtarëve “Drita” dhe Ambasada e Shqipërisë organizojnë konkursin dhe ndahet Çmimi “Ali Asllani” Çmimi jepet për librin poetik më të mirë të vitit shkruar nga poetë shqiptarë të kudondodhur jashtë Shqipërisë dhe që marrin pjesë në konkurs. Këtë vit ky Çmim jepet edhe në 125 vjetorin e lindjes së “Lirikut të
Fjalës së Bukur”, Ali Asllani dhe i nderuar: “Nder i Kombit” nga Presidenti i Republikës z. Bamir Topi.

4.        Shpallja e Konkursit Letrar “KADMUS”-2008
Instituti i Librit dhe Promocionit “Toena”, Klubi i Shkrimtarëve “Drita”
dhe Revista letrare “Pelegrin”.

Krijuesit do të paraqiten me vepra letrare në gjininë e prozës (Roman, Tregime-Novela), vëllim me poezi dhe letërsisë për Fëmijë. Librat fitues, sipas gjinive, do të botohen nga Shtëpia Botuese “TOENA” dhe pjesëmarrësit e tjerë do të nderohen me diploma, sipas vlerave të krijimtarisë së tyre. E veçantë e këtij viti është se “TOENA” shënon 15 vjet veprimtari botuese, ku vetëm me Klubin e Shkrimtarëve “Drita” dhe krijuesit emigrantë ka pasur bashkëpunim botimi të tre Antologjive dhe dy Konkurseve letrarë.

Veprimtarisë nuk do t’i mungojnë: Fjala poetike dhe përshëndetjet muzikore, urimet dhe përshëndetjet nga pjesëmarrësit.

5.        Shoqata e Botuesve të Shqipërisë
nderon Klubin e Shkrimtarëve “Drita”. Do të marrin pjesë:

1. Shkrimtarë, artistë dhe intelektualë shqiptarë me banim në Greqi. E veçantë e këtij viti është edhe pjesëmarrja e shkrimtarëve dhe intelektualëve nga Franca, Anglia, Italia, SHBA etj.

2. Miqtë tanë, shkrimtarë, poetë e personalitete të kulturës greke.

3. Ambasadori i Shqipërisë në Athinë z. Vili Minarolli dhe personeli i
Ambasadës.

4. Kryetari i Shoqatës së BotuesveShqiptarë dhe drejtor i Institutit të Librit dhe promocionit “Toena”, z. Fatmir Toçi.

Veprimtaria do të organizohet:

Ditën e shtunë, më 19 prill, ora 19.
Vendi: Godina: “INERAMERIKAN”
autostrada “A. Singru”, 124

*** *** ***

TË DIELËN, 20.04.2008, Ora (paradite):

Pritje- koktej: Më\e rastin e krijimit të Shtëpisë Botuese “Toena”.
organizuar nga Shoqata Kulturore Atdhetare “Labëria”, Klubi i

Shkrimtarëve “Drita” dhe SHKA “Vllazërimi kuçiot” (dega e Greqisë).

PROGRAMI

1. Shfaqet filmi “TOENA” 15 vjet përvojë në fushën e botimeve”.

2. Dhënia e titullit “Anëtar Nderi” i Klubit të Shkrimtarëve “Drita” z.
Fatmir Toçi, në kuadrin e 50 vjetorit të lindjes. Titulli do të jetë në
Plaketë “Gold”.

3. Përshëndetje, këngë nga Grupi Labëria...

4. Koktejl.

Në aktivitet përshendeti ambasadori i Shqipërisë në Athinë z. Vili Minarolli.

Çmimin "Ali Asllani" e meritoi poetja Ilirjana Sulkuqi, e cila kishte ardhur enkas për këtë aktivitet nga SHBA-ja.

Z. Toçi - kryetar i Shoqatës së Botuesve Shqiptarë i dorëzoi shkrimtarit Nase Jani "Medaljen e mirënjohjes" në emër të kësaj Shoqate.

KLUBI I SHKRIMTARËVE EMIGRANTË “DRITA”
ME QENDËR NË ATHINË