Gaqo Bushaka

Gaqo Bushaka   Fjeta duke numëruar  Kategoria: Vjersha për parashkollorët Piktore: Ledia Kostandini Shtëpia Botuese: Toena ISBN: 978-99943-1-416-4 Formati: 16.5x23 cm Faqe: 32 Çmimi: 250 lekë/ 2,00 euro

Rreth Librit

Gaqo Bushaka, shkrimtari më i dashur për fëmijët, vjen këtë herë me një libër të ri për çamarrokët e vegjël, që përgatiten për t’u futur në shkollë. Vjershat janë të rimuara aq bukur sa na mrekullojnë me mënyrën e të rrëfyerit. Ato janë të shoqëruara me ilustrime shumë të bukura, në mënyrë që fëmijët të kënaqen duke mësuar.

Gaqo Bushaka  Zogu në kaushin e akullores Kategoria: Përralla të zgjedhura ISBN: 99927-1-898 -6 Shtëpia Botuese: Toena Formati: 16.5x23 cm Faqe: 292 Çmimi: 750 lekë/ 6,00 euro

Rreth Librit

Është një përmbledhje me rreth 70 përralla ku xhaxhi Gaqo Bushaka fton Enean dhe vogëlushët e tjerë në botën e magjishme të përrallës dhe të ëndrrës. Kjo botë është e tejmbushur me personazhe (përgjithësisht kafshë) që fëmijët i duan aq shumë. Aty gjen miushin Mimi dhe ndodhitë e tij, kotelen Roshe, mizat që rendin pas mjaltit; më tutje mëson për turpin e korbit Krra-Krra, ariun që kërkonte babanë, si foli gjuhëpreri, si rrëfen laraska për dordolecin; takon gjyshen që harron të flasë, si merr elefanti arratinë, cila është historia e opingave të Sheros etj. etj.

Rreth Autorit

Gaqo Bushaka është një nga autorët më të suksesshëm në Shqipëri. Ka kontribuar në lëvrimin e një lloj përralle "të re" për fëmijët që e bën të pëlqyeshme dhe tepër interesante. Ka lëvruar prozën e gjatë, dhe sidomos romanin për fëmijë. Ka shkruar përmbledhjet me përralla: Arushi që kërkonte babanë, Në ishullin e dallëndysheve, Amaneti i dhelprës, Përralla u la për nesër. Vepra që e bëri tepër të njohur ishte trilogjia Aventurat e Çufos, pjesë përbërëse e së cilës janë përrallat: Çufoja dhe Bubi kaçurrel, Pushimet e Çufos, Çufoja në shtëpinë e çudirave.